Search

PHOOL WALA PODHA{ A flowering plant}

Tum ek phool wala podha laye.

Mali ne bade jatan se uss podhe ko bada kia, usme phool aya.

Podha laate samay mali bola " bade pyar se bada kia hai isse, zara apna samjh kar rakna khyal".


Tumne kaha.."apna banane ke liye to le ja raha hun". "Khyal rakhunga".

Tumne podhe ka khyal rakha roz pani dala. Uske phoolon ko nikhara aur sawaran.

Podha bhi khub khila.


Phir tum apne podhe ko apna to mana.

Lekin ab tumhare pass samay nahi rehata, tum pani to daal dete ho. Par uske phoolon ko nikharte nai.

Kuch din se ab mahina ho gaya.


Podha phool nai de raha. Tumne pani to phir bhi dala par, har baar yeh khete. Ki yeh phodha bada batameez hai. Mein isse apna kimti waqt de kar pani daalta hun aur ye begerat podha ek phool bhi na de humne.


Tumne apna kimti waqt bachane ke liye uss podhe ko ek din pani nahi dala.

Agle din wo murjha gaya.

Tumne dekha aur kaha.


"Arry ye podha to batameez hi nahi batsurat bhi hai".

Tum muh pher kar chale gaye.


Kuch din baad tum phir uss mali ke pass gaye. Usko kaha " arry suno, yesa phool wala podha dena jo murjhye nahi".





Mali bola..saab ye podha hai jo aapke liye hi banaya gaya hai.

Tumne kaha "ye to plastic ka hai".

Mali bola "Aap ka bilkul kimiti samaya nahi lega ye".


By Vishal Gautam


57 views0 comments

Recent Posts

See All